Mae Digwyddiadau Agored Cambria yn gyfle perffaith i chi ddarganfod sut beth ydy astudio gyda ni.
Dyma eich cyfle i ddarganfod rhagor am ba bynciau rydyn ni’n eu cynnig, gweld ein cyfleusterau o’r radd flaenaf, cyfarfod ein tiwtoriaid cwrs arbenigol a siarad gyda’n myfyrwyr presennol am sut beth ydy astudio yn Cambria.
Bydd partneriaid cyflogwyr ar gael i drafod cyfleoedd dilyniant a phrentisiaethau.
Bydd tîm Canolfan Brifysgol Cambria hefyd wrth law i drafod cyfleoedd dilyn gradd ar gyfer y rhai sy’n ystyried dechrau cwrs prifysgol ym mis Medi.
Dysgwch ragor yn ystod y digwyddiad agored am ein darpariaeth ran-amser a chyfleoedd cyllid sy’n cyd-fynd â’ch swydd a’ch ffordd o fyw bresennol trwy siarad â’n tiwtoriaid profiadol.
Os ydych chi wedi astudio trwy gyfrwng y Gymraeg neu’n ddwyieithog yn yr ysgol, gallwch chi barhau i wneud hynny yn Cambria. Mae’r digwyddiadau agored yn gyfle gwych i siarad â’ch tiwtoriaid a darganfod rhagor am ddysgu yn Gymraeg.
Yn ogystal â dysgu am y cyfleusterau a’r gwasanaethau cymorth ar draws ein safleoedd, mae hefyd yn gyfle gwych i wneud cais i astudio gyda ni – bydd staff wrth law ym mhob digwyddiad i’ch helpu chi gyda hyn.
Mae’r digwyddiad hwn ar gyfer gwybodaeth a chymorth, felly efallai y bydd mynediad cyfyngedig i gyfleusterau maes pwnc fideo.