Prentisiaethau Gradd yng Ngogledd Cymru

Dyma’r manteision:

• Cewch brofiad go iawn o weithio ochr yn ochr â’ch gradd.
• Mae eich gradd wedi’i hariannu’n llawn, felly mae’n rhad ac am ddim i chi.
• Cewch gyflog fel cyflogai arferol.

Wedi dweud hynny, mae yna bethau eraill i’w hystyried:

• Bydd angen i chi weithio ac astudio ar yr un pryd.
• Fyddwch chi ddim yn gymwys am unrhyw fenthyciadau myfyrwyr.
• Nid yw prentisiaid bob tro yn cael y ‘profiad prifysgol’ traddodiadol.

Mae asesiadau yn profi’ch gallu i wneud eich swydd yn ogystal â’ch dysg academaidd, felly nid yw’n seiliedig ar waith cwrs ac arholiadau yn unig.

Byddwch chi’n treulio o gwmpas 20% o’ch amser yn astudio ac 80% o’ch amser yn gweithio.

Rhaid i chi fod yn 18 oed neu’n hŷn, ac yn meddu ar y graddau gofynnol.

Wedi dweud hynny, mae cyflogwyr hefyd yn chwilio am sgiliau eraill y gallwch chi eu cynnig yn y rôl, fel cyfathrebu, arweinyddiaeth a brwdfrydedd.