Cefnogaeth gyda Sgiliau Busnes

Banc Datblygu Cymru | Micro Fenthyciadau

Mae Banc Datblygu Cymru yn cynnig micro fenthyciadau o £1,000 i £100,000 i helpu busnesau newydd i dyfu ac i’ch gweld chi’n mynd o nerth i nerth yn ystod y blynyddoedd cyntaf. Os ydych chi’n chwilio am gyllid i sefydlu eich busnes, fel arfer mae gofyn i chi wneud cyfraniad o’ch arian personol. Pa bynnag sector ydych chi’n camu iddo, gall benthyciadau dechrau arni eich helpu chi i dalu am y costau cychwynnol o ddechrau busnes.

Rhagor o wybodaeth

Syniadau Mawr Cymru | Grant Dechrau Busnes Pobl Ifanc

Bydd y Grant Dechrau Busnes Pobl Ifanc yn galluogi pobl ifanc nad ydynt mewn addysg, cyflogaeth na hyfforddiant i ddechrau eu busnes eu hunain, creu menter gymdeithasol, mynd yn hunangyflogedig, yn weithiwr llawrydd neu’n entrepreneur cymdeithasol yng Nghymru. Mae grant o hyd at £2,000 ar gael i helpu pobl ifanc ddechrau busnes. Er mwyn sicrhau bod y busnes yn cael y cyfle gorau posibl i lwyddo, bydd y grant ar gael ochr yn ochr â phecyn cefnogaeth a fydd yn cynnwys cyngor un i un, gweminarau i fagu hyder mewn ymarferion busnes a datblygu cynlluniau ar gyfer dechrau busnes.

Rhagor o wybodaeth

Grant Swyddi Ieuenctid DWP

Mae Grant Swyddi Ieuenctid yn cefnogi cyflogwyr yng Nghymru i greu swyddi ar gyfer pobl ifanc 18–24 oed sydd wedi bod ar Gredyd Cynhwysol am 6+ mis. Gall sefydliadau cymwys (o unrhyw faint, wedi’u cofrestru gyda HMRC ac yn masnachu’n weithredol) dderbyn hyd at £3,000 fesul swydd, wedi’i dalu fesul cam. Rhaid i swyddi fod yn o leiaf 25 awr yr wythnos, para 4+ mis, talu’r isafswm cyflog, a bod yn swyddi newydd gwirioneddol.

Rhagor o wybodaeth

Y Rhaglen Sgiliau Hyblyg – Digidol ac AI

Mae’r Rhaglen Sgiliau Hyblyg gan Busnes Cymru yn cynnig cymorth ariannol uwch i fusnesau yng Nghymru i helpu i fynd i’r afael â bylchau sgiliau digidol uwch a deallusrwydd artiffisial (AI), ac i uwchsgilio eu gweithlu mewn meysydd megis datblygu meddalwedd a gwe, dadansoddi data, seiberddiogelwch, rheoli prosiectau technoleg, a sgiliau AI-benodol gan gynnwys dysgu peirianyddol, prosesu iaith naturiol, a gweithredu AI. Bydd pob cwrs hyfforddi cymeradwy o dan y llwybr hwn yn denu cyfraniad o 75% tuag at gyfanswm y costau cymwys gan Lywodraeth Cymru ac mae’n ofynnol i fusnesau fod wedi’u lleoli yng Nghymru, yn solfent, ac yn ymrwymo i gwblhau’r hyfforddiant erbyn Mawrth 2027.

Rhagor o wybodaeth

Cyfrifon Dysgu Personol

Ydych chi dros 19 oed ac yn byw yng Nghymru ac yn ennill llai na *£34,303 y flwyddyn ac yn edrych i ddatblygu gyrfa mewn sector blaenoriaeth? Mae Cyfrifon Dysgu Personol yn darparu dysgu hyblyg wedi’i ariannu’n llawn, naill ai ar-lein neu wyneb yn wyneb neu gyfuniad o’r ddau. *Bellach nid oes cap ennill o £34,303 ar gyrsiau cymeradwy neu gymwysterau mewn sgiliau digidol neu sgiliau gwyrdd.

Rhagor o wybodaeth

Rhaglen Sgiliau Hyblyg

Mae Rhaglen Sgiliau Hyblyg Busnes Cymru yn cynnig cymorth ariannol i fusnesau yng Nghymru i helpu i fynd i’r afael â bylchau sgiliau a gwella sgiliau eu gweithlu gan ganolbwyntio ar Arweinyddiaeth a Rheolaeth, Sgiliau Allforio, Peirianneg a Gweithgynhyrchu, Sector Creadigol, Heriau Net Sero, a Twristiaeth a Lletygarwch Bydd pob cwrs hyfforddi cymeradwy yn denu cyfraniad o 50% tuag at y costau cymwys gan Lywodraeth Cymru ac mae’n ofynnol i fusnesau fod wedi’u lleoli yng Nghymru, yn hyfyw, ac yn ymrwymedig i gwblhau hyfforddiant erbyn Mawrth 2027

Rhagor o wybodaeth

Ambition North Wales Advanced Wireless Technology Grant

Cyllid i sefydliadau yng Ngogledd Cymru fuddsoddi mewn technolegau diwifr fel 5G, Wi‑Fi ac IoT i wella cynhyrchiant. Mae grantiau’n cefnogi costau cyfalaf ar gyfer gweithredu prosiectau, gyda gofyniad o 50% o gyllid paru. Ar agor i bob sector, rhaid gweithredu yng Ngogledd Cymru a dangos buddion fel creu swyddi ac effaith economaidd.

Rhagor o wybodaeth

Uchelgais Gogledd Cymru Cronfa Ynni Glân

Mae cyllid ar gael yng Ngogledd Cymru i helpu busnesau a sefydliadau cymunedol i fuddsoddi mewn prosiectau ynni glân a datgarboneiddio, gyda’r nod o leihau costau, gwella effeithlonrwydd a chreu cyfleoedd newydd. Mae enghreifftiau o brosiectau cymwys yn cynnwys Cynhyrchu ynni adnewyddadwy a seilwaith, Atebion ynni deallus gan gynnwys storio, Effeithlonrwydd ynni, datgarboneiddio ac ôl-osod, a chyfleoedd mewn gweithgynhyrchu a’r gadwyn gyflenwi.

Rhagor o wybodaeth

Banc Datblygu Cymru | Benthyciadau Busnes Mawr

Boed a oes angen cyllid arnoch i wella cyfalaf gweithio, cyflymu twf, neu brynu busnes, mae yna fenthyciadau y gellir eu teilwra i gyd-fynd â’ch gofynion. Gyda rheolwyr cyfrif lleol yn cynnig cefnogaeth barhaus wyneb yn wyneb, maent yn sicrhau eu bod yn deall anghenion penodol eich busnes ac yn eich helpu chi i gyflawni’ch potensial. Gallant gyfuno benthyciadau a chyllid ecwiti, a gweithio ochr yn ochr â darparwyr cyllid eraill (banciau, cyllido torfol, grantiau, buddsoddwyr a benthycwyr eraill) i gynnig pecyn cyllid unigryw ar gyfer eich busnes chi.

Rhagor o wybodaeth

Banc Datblygu Cymru | Cynllun Benthyciad Busnes Gwyrdd

Boed ydych yn megis dechrau arni neu’n parhau ar y daith o ddatgarboneiddio eich busnes, mae’r Cynllun Benthyciad Busnes Gwyrdd yn cynnig pecyn deniadol o gyllid i gefnogi’ch busnes. Mae yna fenthyciadau o rhwng £1,000 a £1.5m ar gael, yn ogystal â chyngor gan arbenigwyr a chyllid i dalu am wasanaeth ymgynghori ar ynni.

Rhagor o wybodaeth