Profiad Gwaith a Gwirfoddoli

Mae profiad gwaith yn hollbwysig i baratoi ar gyfer y gweithle. Mae’n eich caniatáu chi i ddysgu sgiliau newydd a chael blas ar ddiwydiant drwy dreulio amser yn y gweithle, a chewch ddysgu am ddarparwyr hyfforddiant a chefnogaeth lleol a all eich helpu chi i ddod o hyd i gyfleoedd newydd.

Mae yna sawl math o brofiad gwaith ar gael, yn cynnwys:

1. Profiad Gwaith: Profiadau gwaith byrdymor sy’n rhoi blas o’r byd gwaith i chi. Gall y rhain bara o rai diwrnodau i rai wythnosau.
2. Profiadau Gwaith: Cyfleoedd tymor hirach, yn aml yn ffurfio rhan o gwrs neu raglen fwy strwythuredig, lle’r ydych chi’n gweithio gyda busnes am sawl mis.
3. Interniaethau: Fel arfer yn cael eu cynnig yn ystod yr haf neu fel rhan o raglen radd. Mae interniaethau yn cynnig cyfle mewn swydd neu ddiwydiant penodol sy’n ymwneud â’ch astudiaethau. Gall gwasanaeth gyrfaoedd eich coleg neu brifysgol helpu i adnabod cyfleoedd.
4. Gwirfoddoli: Cyfleoedd i gyfrannu at brosiectau cymunedol neu sefydliadau nad ydynt er elw, gan ennill sgiliau a phrofiad wrth wneud hynny. Gall gwirfoddoli hefyd helpu i fagu hyder ac ail-ddarganfod sgiliau os ydych chi wedi bod heb waith.

Mae profiad gwaith rhithiol yn digwydd ar-lein, ac rydych chi’n gweithio o bell drwy eich cyfrifiadur neu ddyfais arall. I wneud profiad gwaith rhithiol, mae angen cysylltiad da â’r we arnoch chi yn ogystal â dyfais.

Gall profiad gwaith rhithiol gynnwys:

• Teithiau rhithiol o’r cwmni
• Gwylio fideos am sut beth yw gweithio mewn swydd neu ddiwydiant penodol
• Sesiynau holi ac ateb gyda’r cyflogwr
• Cwblhau gwaith
• Mynychu cyfarfodydd ar-lein
• Cyfleoedd hyfforddiant

Mae lleoliadau gwaith hybrid yn gyfuniad o waith wyneb yn wyneb a gwaith rhithiol.

Ewch i Gyrfa Cymru am ragor o wybodaeth.

Os ydych chi’n 16-19 oed ac nad ydych mewn gwaith nac addysg, gallwch geisio profiad gwaith a chyfleoedd gyda thâl drwy raglen Twf Swyddi Cymru+.

Rhagor o wybodaeth ynghylch Twf Swyddi Cymru+