Cymorth Recriwtio Am Ddim

Mae gan ddarparwyr cyflogadwyedd yng Ngogledd Cymru dimau ymroddedig sy’n gweithio ochr yn ochr â chi i helpu i geisio cronfeydd amrywiol o gyflogeion newydd posibl, gyda chymorth ychwanegol ar gael i atgyfnerthu sgiliau a goresgyn unrhyw rwystrau i sicrhau eu bod yn bwrw iddi o’r eiliad cyntaf.

Caiff rhaglenni cyflogadwyedd eu dylunio i gefnogi unigolion sydd, yn aml, dan anfantais. Cânt gymorth i’w helpu i ddod o hyd i gyflogaeth a’i chynnal.

Rhaglenni yn cynnwys:

• Twf Swyddi Cymru+ (16-19 oed)
• Cymunedau am Waith a Mwy (20+ oed)
• ReAct+
• Cynllun Ailddechrau

Cymorth i Gyflogwyr:

• Timau Lleol: Gall cyflogwyr geisio cymorth gyda recriwtio drwy dimau sydd wedi’u lleoli yn lleol gyda staff pwrpasol ar gyfer ymgysylltu â chyflogwyr.
• Cymorth Arbenigol: Cymorth i oresgyn rhwystrau rhag cyflogaeth, yn cynnwys hyfforddiant, adnoddau, dillad, ac i dalu am ofal plant a chostau teithio.
• Cymorth gyda Recriwtio: Mae timau ymgysylltu â chyflogwyr yn cydweithio â chyflogwyr i baru sgiliau cyfranogwyr ag anghenion busnes drwy ffeiriau swyddi a diwrnodau recriwtio, ac yn trefnu cyfweliadau neu dreial gwaith.

Manteision i Fusnesau:

• Cymorthdaliadau ar gyfer Cyflogau: Yn dibynnu ar gymhwysedd ac argaeledd, gall rhai darparwyr gefnogi gyda chostau cyflog neu hyfforddiant.
• Effaith Gymdeithasol: Drwy benodi drwy raglenni cyflogadwyedd, mae busnesau yn helpu’r rheini sy’n ei chael hi’n anodd dod o hyd i waith.
• Gweithlu Medrus: Bydd cyflogwyr yn cael mynediad at unigolion brwd sy’n awyddus i fanteisio ar gyfleoedd gwaith.