Ar gyfer cyflogwyr

Nod y portal yw gweithredu fel ffenestr siop sy’n dangos yr holl sgiliau a’r cyfleoedd cyflogaeth sydd ar gael yn lleol yng Ngogledd Cymru. Mae’n cysylltu pobl, cyflogwyr a darparwyr hyfforddiant a chefnogaeth, a hynny mewn un lle.

Mae’r Portal ar gyfer unigolion a chyflogwyr sydd eisiau dysgu am ddatblygu sgiliau a’r cyfleoedd gwaith sydd ar gael yng Ngogledd Cymru a chael mynediad iddynt.

Gellir hefyd ei ddefnyddio gan y rheini sy’n darparu neu’n helpu pobl neu gyflogwyr i geisio’r cyfleoedd hyn, fel athrawon, rhieni ac ymarferwyr cymorth.

Ar gyfer Unigolion: Boed ydych chi’n unigolyn ifanc yn meddwl am eich cam nesaf ar ôl gadael yr ysgol, yn chwilio am eich swydd gyntaf, yn dychwelyd i’r gwaith, neu yng nghanol eich gyrfa ac awydd newid cyfeiriad, cewch fynd ar y Portal i bori drwy’r ystod o wybodaeth a chyfleoedd sgiliau a chyflogaeth sydd ar gael yn lleol.

Ar gyfer Cyflogwyr: Cewch adnoddau yn ymwneud â recriwtio, datblygu a dal eich gafael ar staff, a cheisio cymorth gyda sgiliau busnes gan ddarparwyr hyfforddiant a chymorth lleol i hybu’ch datblygiad

Mae ‘sector’ yn derm a ddefnyddir i roi grŵp o alwedigaethau a diwydiannau mewn un dosbarth, fel Twristiaeth a Lletygarwch, Adeiladwaith a Gofal Iechyd. Mae’r 9 sector y mae’r Portal yn canolbwyntio arnynt wedi’u blaenoriaethu oherwydd eu bod yn cyd-fynd â chryfderau Gogledd Cymru.

Mae gennym sylfaen gadarn ym meysydd fel ynni adnewyddadwy, gweithgynhyrchu uwch a thwristiaeth. Gan ddefnyddio’r cryfderau presennol hyn, gall Gogledd Cymru ddatblygu adnoddau naturiol, gweithlu medrus a diwydiannau arloesol yr ardal.

Lle i ddod o hyd i lu o wahanol ddarparwyr hyfforddiant a chefnogaeth sydd ar gael yng Ngogledd Cymru, a chael mynediad atynt, ar gyfer unigolion a chyflogwyr fel ei gilydd, a sut allant eich helpu chi i ddatblygu.

Os ydych chi eisiau hysbysebu digwyddiad, neu ddangos cyflogwr neu ddarparwr hyfforddiant a chefnogaeth, yna cliciwch yma i weld sut allwch chi weithio gyda ni

Os ydych chi’n sylwi ar gamgymeriad neu wall, yna  cysylltwch â ni  er mwyn rhoi gwybod i ni.

Os oes gennych chi unrhyw gwestiynau neu os hoffech rannu adborth am Bortal Sgiliau Gogledd Cymru, yna  cysylltwch â ni.