Cyflogi Pobl Anabl yng Ngogledd Cymru: Yr Hyn y Mae Angen i Gyflogwyr Ei Wybod
Mae llawer o gyflogwyr yng Ngogledd Cymru eisiau recriwtio mewn ffordd fwy cynhwysol, ond maent yn ansicr ble i ddechrau, pa gymorth sydd ar gael, neu a fydd addasiadau yn y gweithle yn gostus neu’n gymhleth.
Mae’r canllaw hwn yn ateb rhai o’r cwestiynau mwyaf cyffredin gan gyflogwyr ac yn amlygu’r cymorth ymarferol sydd ar gael ledled Gogledd Cymru i helpu busnesau recriwtio, sefydlu a chadw pobl anabl a phobl sydd â chyflyrau iechyd.
P’un ai eich bod yn awyddus i lenwi swydd wag, cynnig lleoliad gwaith, gwella lles staff neu gefnogi rhywun i aros mewn gwaith, mae gwasanaethau lleol ar gael i helpu.
A fydd addasiadau yn y gweithle yn gostus?
Mae llawer o gyflogwyr yn poeni y bydd cefnogi gweithwyr anabl yn gostus neu’n gymhleth. Mewn gwirionedd, mae’r rhan fwyaf o addasiadau rhesymol yn syml, yn ymarferol ac yn gost isel.
Yn ymarferol:
- Nid yw’r rhan fwyaf o addasiadau yn costio llawer, os o gwbl
- Gall trefniadau gweithio hyblyg fod o fudd i nifer o weithwyr
- Gall meddalwedd ac offer sydd eisoes yn y gweithle ddarparu atebion
- Gall newidiadau syml i dasgau, dulliau cyfathrebu neu batrymau gweithio wneud gwahaniaeth sylweddol
- Gall cymorth ychwanegol fod ar gael drwy Mynediad at Waith
Roedd gennym bryderon y gallai unrhyw addasiadau fod yn gostus, ond nid oedd angen poeni. Nid oedd unrhyw gost ychwanegol ac gyda chefnogaeth arbenigol yr hyfforddwr swyddi, mae’r daith wedi bod yn llyfn iawn.
Rheolwr | Oaks Care Home | Glannau Dyfrdwy
Beth os nad ydym yn gwybod sut i gefnogi rhywun?
Mae llawer o gyflogwyr yn teimlo’n ansicr ynghylch anabledd, cyflyrau iechyd neu addasiadau yn y gweithle, ac yn poeni am wneud camgymeriadau.
Nid oes angen i chi fod yn arbenigwr er mwyn recriwtio’n gynhwysol. Yn aml, cyfathrebu da, bod yn agored a pharodrwydd i wneud newidiadau ymarferol yw’r camau pwysicaf.
Y gwir amdani:
- Nid oes angen gwybodaeth arbenigol i ddarparu cymorth effeithiol
- Mae gweithwyr anabl yn gallu perfformio i’r un safon pan gaiff rhwystrau eu dileu
- Mae cyngor a chymorth am ddim ar gael i gyflogwyr
- Gall gwasanaethau lleol helpu gyda recriwtio, sefydlu gweithwyr ac addasiadau yn y gweithle
Ledled Gogledd Cymru, mae rhaglenni arbenigol yn gweithio’n uniongyrchol gyda chyflogwyr i feithrin hyder a darparu cymorth ymarferol.
Beth am berfformiad a rheoli’n deg?
Nid yw recriwtio cynhwysol yn golygu gostwng disgwyliadau. Dylid parhau i reoli gweithwyr yn deg ac yn gyson, gan ystyried unrhyw addasiadau rhesymol y gallai fod eu hangen.
Mae llawer o gyflogwyr yn canfod bod gweithwyr anabl yn dod â sgiliau gwerthfawr, ymrwymiad a safbwyntiau gwahanol i’w gweithlu.
Y gwir amdani:
- Mae prosesau rheoli perfformiad arferol yn dal i fod yn berthnasol
- Mae canllawiau clir ar gael i helpu cyflogwyr i gydymffurfio â’r gyfraith
- Gall addasiadau rhesymol helpu gweithwyr i berfformio ar eu gorau
- Mae gweithleoedd cynhwysol yn aml o fudd i bob aelod o staff
Mae hyn wedi newid fy safbwynt yn llwyr ynghylch a cyflogi rhywun ag anabledd dysgu. Mae hi wedi dangos y gall pobl ag anableddau dysgu ffynnu pan gânt y cyfle cywir. Mae hi bob amser yn dod i’r gwaith yn daclus, ar amser ac yn barod i weithio, ac mae hi’n esiampl i eraill.
Perchennog | Tu Mundo | Prestatyn
Rhaglenni sydd Ar Gael i Gefnogi Cyflogwyr
Gwasanaeth Cyflogaeth â Chymorth Gogledd Cymru Gyda’n Gilydd
I gefnogi pobl ag anableddau dysgu i gael gwaith cyflogedig a helpu cyflogwyr yng Ngogledd Cymru i greu cyfleoedd gwaith addas gyda’r cymorth cywir.
- Paru swyddi gyda ymgeiswyr addas
- Cymorth gyda recriwtio a sefydlu gweithwyr
- Cyngor ar addasiadau rhesymol
- Hyfforddiant swydd ac cymorth parhaus yn y gweithle
- Rhagor o wybodaeth
RCS Go Gwyrdd
I gysylltu pobl ifanc 16 i 30 oed sydd ag anableddau, anghenion ychwanegol neu sy’n dod o grwpiau sydd heb gynrychiolaeth ddigonol â chyfleoedd yn y sector gwyrdd ledled Gogledd Cymru.
- Mynediad at bobl ifanc
- Mentora a lleoliadau yn y gweithle
- Lleoliadau wedi’u hariannu am 6 i 12 mis
- Hyfforddiant ymwybyddiaeth o anabledd a niwroamrywiaeth
- Rhagor o wybodaeth
Cysylltu â Gwaith Gogledd Cymru
I helpu cyflogwyr recriwtio a chadw pobl sy’n wynebu rhwystrau i waith, gan gefnogi unigolion i gael cyflogaeth gynaliadwy.
- Paru cyflogwyr ag ymgeiswyr brwdfrydig
- Cymorth un-i-un i gyflogwyr a gweithwyr
- Cyngor ar addasiadau rhesymol ac arferion cynhwysol
- Cymorth i staff presennol a allai fod yn cael trafferth aros mewn gwaith
- Rhagor o wybodaeth
RCS Cymorth yn y Gwaith
I helpu cyflogwyr yng Ngogledd Cymru i wella lles yn y gweithle a chefnogi staff i aros mewn gwaith neu ddychwelyd i waith yn hyderus.
- Cymorth a hyfforddiant llesiant yn y gweithle
- Cymorth i weithwyr a phobl hunangyflogedig
- Cymorth i staff aros mewn gwaith neu ddychwelyd i waith
- Therapi seicolegol, ffisiotherapi a therapi galwedigaethol
- Rhagor o wybodaeth
Dechreuwch Heddiw
Dewch o hyd i gymorth gyda recriwtio cynhwysol, addasiadau yn y gweithle a llesiant yn y gweithle drwy ddarparwyr hyfforddiant a chymorth lleol, neu darllenwch straeon llwyddiant gan gyflogwyr ledled Gogledd Cymru.
