Gweithio yn fwy effeithlon
Defnyddio offer digidol i arbed amser, gwella tasgau pob dydd a gwneud prosesau yn fwy effeithiol.
Datblygu’r sgiliau digidol i symud ymlaen
Mae sgiliau digidol yn dod yn rhan o bron bob gweithle. P’un a ydych am ddatblygu eich sgiliau eich hun neu gryfhau galluoedd eich gweithlu, cymerwch olwg ar ganllawiau ymarferol, technolegau sy’n dod i’r amlwg a llwybrau at ddysgu pellach.
Pam mae sgiliau digidol yn bwysig
Mae sgiliau digidol yn helpu pobl i weithio gyda mwy o hyder ac yn galluogi sefydliadau i addasu, gwella a gwneud gwell defnydd o dechnoleg.
Cefnogi datblygiad gyrfa
Meithrin sgiliau a all gynyddu hyder, cefnogi dilyniant ac agor cyfleoedd newydd.
Annog arloesedd
Defnyddio technolegau newydd ac offer digidol i wella gwasanaethau, datrys problemau a chreu ffyrdd newydd o weithio.
Meithrin gwytnwch
Helpu pobl a sefydliadau i ymateb i dechnolegau, rolau ac anghenion gweithle sy’n newid.
Ar gyfer unigolion
Datblygu eich sgiliau digidol
Gall sgiliau digidol eich helpu i deimlo’n fwy hyderus yn y gwaith, addasu wrth i’ch rôl newid ac agor cyfleoedd i ddatblygu eich gyrfa.
Mae’r Pecyn Cymorth Sgiliau Digidol i Unigolion yn darparu canllawiau ymarferol i’ch helpu i ddeall eich sgiliau presennol ac ystyried ble y gallech ddatblygu nesaf. Mae’n archwilio gwahanol lefelau o allu digidol yn ogystal â meysydd sy’n dod yn gynyddol bwysig yn y gweithle.
Ar gyfer cyflogwyr
Meithrin gweithlu sy’n fedrus yn ddigidol
Gall datblygu gallu digidol helpu sefydliadau i wella cynhyrchiant, cyflwyno ffyrdd newydd o weithio a pharatoi eu gweithlu ar gyfer newid yn y dyfodol.
Mae’r Pecyn Cymorth Llwybr Sgiliau Digidol i Gyflogwyr yn darparu canllawiau ymarferol ar nodi anghenion sgiliau a datblygu gweithwyr ar wahanol lefelau. Mae hefyd yn ystyried rhai o’r technolegau sy’n newid y gweithle a’r gwahanol lwybrau dysgu y gall cyflogwyr eu defnyddio i feithrin gallu.
Ble dylai gweithwyr a chyflogwyr feithrin gallu?
Mae sgiliau digidol yn rhychwantu popeth o offer gweithle pob dydd i dechnolegau uwch. Gall meithrin gallu yn y meysydd cywir gefnogi hyder, cynhyrchiant a thwf yn y dyfodol.
Deallusrwydd artiffisial
Meithrin hyder wrth ddefnyddio offer AI i gefnogi tasgau pob dydd, gwella effeithlonrwydd a deall sut mae rolau’n newid.
Seiberddiogelwch
Datblygu’r sgiliau a’r ymwybyddiaeth sydd eu hangen i amddiffyn data, systemau a sefydliadau rhag bygythiadau digidol.
Data a dadansoddeg
Defnyddio data yn fwy effeithiol i ddeall perfformiad, nodi tueddiadau a chefnogi gwell penderfyniadau.
Cyfrifiadura cwmwl
Meithrin gwybodaeth am offer a systemau cwmwl sy’n cefnogi cydweithio, hyblygrwydd a gwasanaethau digidol.
Codio a datblygu meddalwedd
Datblygu sgiliau technegol i greu meddalwedd, awtomeiddio prosesau a meithrin cynhyrchion a gwasanaethau digidol.
Offer busnes digidol
Defnyddio offer prosiect, CRM, marchnata a chydweithio yn fwy effeithiol i wella gwaith o ddydd i ddydd.
Sgiliau digidol ar bob lefel
Mae sgiliau digidol yn cwmpasu llawer mwy na rolau technoleg arbenigol. O offer gweithle pob dydd i feysydd datblygedig fel deallusrwydd artiffisial a seiberddiogelwch, mae cyfleoedd i ddatblygu eich sgiliau yn ystod bob cam.
1
Sgiliau digidol sylfaenol
Y sgiliau hanfodol a ddefnyddir mewn gwaith pob dydd, gan gynnwys e-byst, dogfennau, taenlenni, cyfathrebu ar-lein ac aros yn ddiogel ar-lein.
2
Sgiliau digidol canolradd
Sgiliau sy’n eich helpu i weithio’n fwy effeithiol gyda thechnoleg, fel defnyddio data, cynnwys digidol, llwyfannau cydweithio, offer prosiect a systemau busnes.
3
Sgiliau digidol uwch
Sgiliau arbenigol a ddefnyddir i ddatblygu, rheoli ac amddiffyn technoleg ddigidol, gan gynnwys deallusrwydd artiffisial, seiberddiogelwch, cyfrifiadura cwmwl, data a datblygu meddalwedd.
Lawrlwytho
Pecynnau cymorth sgiliau digidol
Lawrlwythwch y Pecynnau Cymorth Llwybr Sgiliau Digidol ar gyfer unigolion a chyflogwyr.
Archwilio mwy o adnoddau
Cymryd y cam nesaf
Hyfforddiant a chefnogaeth
Dewch o hyd i ddarparwyr a chyfleoedd dysgu ar draws Gogledd Cymru.
Swyddi
Dewch o hyd i wahanol gyfleoedd ledled Gogledd Cymru a hynny mewn amrywiaeth o ddiwydiannau cyffrous.
Cefnogaeth gyda sgiliau busnes
Cysylltwch gyda darparwyr hyfforddiant a sefydliadau a all helpu i ddatblygu’r sgiliau sydd eu hangen ar eich busnes i lwyddo.
Datblygu’ch sgiliau
Dewch o hyd i gyfleoedd er mwyn datblygu eich sgiliau, o addysg lawn amser a rhan amser i gyrsiau byr a hyfforddiant arbenigol.