Ceisiadau Ar Agor ar gyfer Academi Gofal Gwynedd
Ydych chi eisiau gwneud gwahaniaeth go iawn i fywydau pobl? Ydych chi’n angerddol am gefnogi unigolion yn eich cymuned? Neu efallai eich bod yn chwilio am gychwyn gyrfa newydd yn y sector Gofal, gan weithio gyda phlant neu oedolion?
Mae Academi Gofal Gwynedd yn cynnig cyfle anhygoel i adeiladu gyrfa ystyrlon yn y sector Gofal gyda Chyngor Gwynedd. Mae’r rhaglen unigryw hon yn eich galluogi i:
- Ennill tra’n dysgu – cael profiad ymarferol ochr yn ochr â gweithwyr proffesiynol medrus.
- Sicrhau cymwysterau cydnabyddedig i gefnogi eich datblygiad gyrfa.
- Mynediad at lwybrau dilyniant clir – boed eich uchelgais i fod yn Weithiwr Gofal, Rheolwr Gofal, Gweithiwr Cymdeithasol, neu Therapydd Galwedigaethol, gall Academi Gofal Gwynedd eich helpu i gyrraedd eich nodau.
Mae’r rhaglen yn gyfle unigryw i unrhyw un ddatblygu gyrfa yn y sector Gofal gyda Chyngor Gwynedd. Byddwch yn cael profiadau ymarferol ac amrywiaeth o gyfleoedd i ddatblygu tra’n cael eich mentora gan arbenigwyr yn y maes. Bydd cyfleoedd parhaus i ddatblygu eich sgiliau i sicrhau gyrfa hir a llwyddiannus o fewn Gwasanaethau Gofal Cyngor Gwynedd.
Mae hyfforddeion sydd eisoes yn rhan o’r Academi yn teimlo bod yr Academi wedi rhoi llawer o gyfleoedd newydd iddynt ac wedi agor drysau newydd.
Dywedodd Zara Jones, hyfforddai Academi Gofal Gwynedd:
“Rwy’n gwneud lleoliad gyda Chynllun Cymunedol Caernarfon, mae AGG wedi rhoi’r cyfle i mi weithio gyda’r Tîm Anabledd Dysgu mewn lleoliad gofal sy’n addas i mi ac yn caniatáu i mi wneud y math o waith rwy’n ei fwynhau.”
Ychwanegodd Sion Adams:
“Rwy’n mwynhau’r gwaith yn Glynllifon a Chanolfan y Gwystl, mae fy swydd yn bleserus ac mae’r gefnogaeth gyda’r hyfforddiant yn helpu i adeiladu sylfaen gref i adeiladu gyrfa.”
Mae’r Academi wedi fy nghefnogi i fynd ar y llwybr cywir i’r sector Gofal. Mae wedi rhoi’r profiadau sydd eu hangen arnaf i wybod beth roeddwn i eisiau ei wneud o fewn y sector.
Amrywiaeth o Rolau – Ble all eich Taith Eich Arwain?
Mae’r sector Gofal yn cynnig cyfleoedd amrywiol i weddu i’ch diddordebau ac uchelgeisiau. Trwy Academi Gofal Gwynedd, gallech symud ymlaen i rolau fel:
- Gweithiwr Gofal – darparu cefnogaeth hanfodol i unigolion yn eu cartrefi neu gymunedau.
- Rheolwr Gofal – arwain timau a sicrhau gwasanaethau gofal o ansawdd uchel.
- Gweithiwr Cymdeithasol – cefnogi plant, teuluoedd ac oedolion bregus i wella llesiant.
- Therapydd Galwedigaethol – helpu pobl adennill annibyniaeth a byw bywydau llawn.
Os ydych chi erioed wedi ystyried gwneud gwahaniaeth trwy gefnogi pobl yn eu cymunedau, mae Academi Gofal Gwynedd yn berffaith i chi – beth bynnag yw eich man cychwyn, mae llwybr i chi dyfu a llwyddo yn y sector Gofal.
Ceisiadau ar agor nawr tan 8 Ionawr 2026.
Gweler isod i gael gwybod mwy, gweld y prosbectws, a gwneud cais am rolau sydd ar gael heddiw!
Byddwn yn argymell i unrhyw un ddod i weithio yn y sector hwn. Rydym yn gwneud gwahaniaeth mor fawr i fywydau teuluoedd.
Emma Barton | Gweithiwr Cymorth Uwch
