Cynllun Benthyciadau Busnes Gwyrdd wedi’i ymestyn i £20 miliwn
Mae Llywodraeth Cymru wedi cadarnhau cynnydd o £10 miliwn i Gynllun Benthyciadau Busnes Gwyrdd.
Mae Benthyciad Busnes Gwyrdd Banc Datblygu Cymru bellach wedi’i ymestyn i £20 miliwn gyda chyllid ar gael tan 2028. Hyd yma, mae dros 30 o fusnesau Cymreig wedi elwa ar gymorth wedi’i deilwra drwy’r cynllun, gan gyflawni arbedion carbon a ragamcanir o fwy na 28,000 tunnell dros oes eu prosiectau.
Mae hyn yn cynnwys benthyciad o £3.2 miliwn i gwmni Thorncliffe Building Supplies yn Yr Wyddgrug i fuddsoddi mewn peiriant golchi newydd a system trin dŵr a fydd yn lleihau defnydd y cwmni o safleoedd tirlenwi. Mae eu Rheolwr Gyfarwyddwr, Tim Harper, wedi’i lunio yma gyda’i gi Bear a’r Uwch Weithredwr Buddsoddi, Scott Hughes.
Dywedodd Bethan Cousins, Cyfarwyddwr Busnes Newydd Banc Datblygu Cymru:
“Mae llwyddiant y Cynllun Benthyciadau Busnes Gwyrdd yn dyst i uchelgais ac arloesedd busnesau Cymru wrth fynd i’r afael â newid hinsawdd.
Mae Thorncliffe yn enghraifft wych o sut mae’r cynllun yn helpu busnesau ledled Cymru i ‘fuddsoddi i arbed’ drwy ddarparu benthyciadau gyda chyfraddau llog gostyngedig i wella effeithlonrwydd ynni ac i weithredu mentrau datgarboneiddio.
Bydd y buddsoddiad pellach hwn gan Lywodraeth Cymru yn sicrhau ein bod yn parhau i yrru newid ystyrlon, gan gefnogi busnesau o bob maint i fabwysiadu technolegau sy’n lleihau allyriadau ac yn cryfhau gwytnwch ynni.”
Gallwch ddarganfod mwy am y Cynllun Benthyciadau Busnes Gwyrdd yma
Eisiau tyfu eich busnes?
Darganfyddwch gyfleoedd newydd, grantiau a chyllid sydd ar gael ar Portal Sgiliau Gogledd Cymru
