Tyfu’ch Busnes

Banc Datblygu Cymru | Micro Fenthyciadau

Mae Banc Datblygu Cymru yn cynnig micro fenthyciadau o £1,000 i £100,000 i helpu busnesau newydd i dyfu ac i’ch gweld chi’n mynd o nerth i nerth yn ystod y blynyddoedd cyntaf. Os ydych chi’n chwilio am gyllid i sefydlu eich busnes, fel arfer mae gofyn i chi wneud cyfraniad o’ch arian personol. Pa bynnag sector ydych chi’n camu iddo, gall benthyciadau dechrau arni eich helpu chi i dalu am y costau cychwynnol o ddechrau busnes.

Rhagor o wybodaeth

Syniadau Mawr Cymru | Grant Dechrau Busnes Pobl Ifanc

Bydd y Grant Dechrau Busnes Pobl Ifanc yn galluogi pobl ifanc nad ydynt mewn addysg, cyflogaeth na hyfforddiant i ddechrau eu busnes eu hunain, creu menter gymdeithasol, mynd yn hunangyflogedig, yn weithiwr llawrydd neu’n entrepreneur cymdeithasol yng Nghymru. Mae grant o hyd at £2,000 ar gael i helpu pobl ifanc ddechrau busnes. Er mwyn sicrhau bod y busnes yn cael y cyfle gorau posibl i lwyddo, bydd y grant ar gael ochr yn ochr â phecyn cefnogaeth a fydd yn cynnwys cyngor un i un, gweminarau i fagu hyder mewn ymarferion busnes a datblygu cynlluniau ar gyfer dechrau busnes.

Rhagor o wybodaeth

Cymorth Arloesi Hyblyg SMART (SMART FIS)

Rydym yn helpu busnesau, y trydydd sector, cyrff sector cyhoeddus a sefydliadau ymchwil i arloesi a chreu cynnyrch a gwasanaethau newydd. Gall hynny gynnwys help i’w masnacholi, gwella sgiliau a sicrhau bod Cymru yn parhau’n gystadleuol ac yn gweithio i fod yn ddi-garbon yn y dyfodol. Mae Cymorth Arloesi Hyblyg (FIS) SMART ar gael i unrhyw sefydliad gan gynnwys y trydydd sector, awdurdodau lleol a byrddau iechyd sydd am Ymchwilio, Datblygu ac Arloesi.

Rhagor o wybodaeth

Uchelgais Gogledd Cymru Cronfa Ynni Glân

Mae cyllid ar gael yng Ngogledd Cymru i helpu busnesau a sefydliadau cymunedol i fuddsoddi mewn prosiectau ynni glân a datgarboneiddio, gyda’r nod o leihau costau, gwella effeithlonrwydd a chreu cyfleoedd newydd. Mae enghreifftiau o brosiectau cymwys yn cynnwys Cynhyrchu ynni adnewyddadwy a seilwaith, Atebion ynni deallus gan gynnwys storio, Effeithlonrwydd ynni, datgarboneiddio ac ôl-osod, a chyfleoedd mewn gweithgynhyrchu a’r gadwyn gyflenwi.

Rhagor o wybodaeth

Cyngor Gwynedd Cronfa Benthyciadau Busnes

Bydd benthyciadau bach a wneir gan y Gronfa rhwng £25k a £100k, gyda’r cyfle i fenthyg symiau uwch (benthyciad Ased o hyd at £750k) cyn belled â’i fod wedi ei gefnogi gan warant seiliedig ar ased gwerth da (tir ac adeiladau yn nodweddiadol). Bydd hyd tymor arferol benthyciad bach rhwng 36 a 60 mis; bydd benthyciad Ased fel arfer am o leiaf 60 mis.

Rhagor o wybodaeth

Banc Datblygu Cymru | Benthyciadau Busnes Mawr

Boed a oes angen cyllid arnoch i wella cyfalaf gweithio, cyflymu twf, neu brynu busnes, mae yna fenthyciadau y gellir eu teilwra i gyd-fynd â’ch gofynion. Gyda rheolwyr cyfrif lleol yn cynnig cefnogaeth barhaus wyneb yn wyneb, maent yn sicrhau eu bod yn deall anghenion penodol eich busnes ac yn eich helpu chi i gyflawni’ch potensial. Gallant gyfuno benthyciadau a chyllid ecwiti, a gweithio ochr yn ochr â darparwyr cyllid eraill (banciau, cyllido torfol, grantiau, buddsoddwyr a benthycwyr eraill) i gynnig pecyn cyllid unigryw ar gyfer eich busnes chi.

Rhagor o wybodaeth

Banc Datblygu Cymru | Cynllun Benthyciad Busnes Gwyrdd

Boed ydych yn megis dechrau arni neu’n parhau ar y daith o ddatgarboneiddio eich busnes, mae’r Cynllun Benthyciad Busnes Gwyrdd yn cynnig pecyn deniadol o gyllid i gefnogi’ch busnes. Mae yna fenthyciadau o rhwng £1,000 a £1.5m ar gael, yn ogystal â chyngor gan arbenigwyr a chyllid i dalu am wasanaeth ymgynghori ar ynni.

Rhagor o wybodaeth

Sgiliau Gwyrdd i Gyflogwyr

Mae Sgiliau Gwyrdd y Cyflogwr yn cynnig hyfforddiant wedi’i ariannu’n llawn i fusnesau bach a chanolig ym Môn a Gwynedd. Drwy Busnes@LlandrilloMenai, mae’r prosiect yn canolbwyntio ar dechnolegau gwyrdd, ôl-osod ac arweinyddiaeth, gan helpu busnesau i dyfu a dod yn rhan o gadwyni cyflenwi carbon isel.

Rhagor o wybodaeth

Cronfa Ddysgu Undebau Cymru (WULF)

O dan y rhaglen, gall Undebau Llafur gynnig i gyflwyno prosiectau hyfforddi tair blynedd o hyd sy’n canolbwyntio ar wella dysgu a sgiliau eu haelodau. Gall unigolion sy’n gweithio mewn unrhyw weithle undebol yng Nghymru, sydd naill ai’n byw neu’n gweithio yng Nghymru, fod yn gymwys am gefnogaeth o ran hyfforddiant a datblygiad sgiliau drwy’r rhaglen WULF.

Rhagor o wybodaeth

Cyllid Sgiliau Bwyd a Diod Cymru

Mae Sgiliau Bwyd a Diod Cymru yn cynnig cyfle i hyfforddi a datblygu gweithlu medrus a dawnus yn y diwydiant bwyd a diod yng Nghymru gyda’r prosiect yn ariannu hyd at 80% o’r costau hyfforddi. Rydym yn cynnig mynediad a chyllid tuag at raglenni hyfforddi a chyrsiau wedi’u teilwra i helpu’ch busnes i ffynnu. O sesiynau rhithiol i gymwysterau ôl-raddedig gyda ffocws ar Arweinyddiaeth a Rheolaeth, Marchnata a Gwerthu, Cynhyrchu a Gweithgynhyrchu, Cynaliadwyedd a Datgarboneiddio, Ychwanegu Gwerth at Cydymffurfiaeth a Statudol, Pwrpasol ac Arweinir gan Fusnes.

Rhagor o wybodaeth

Sgiliau Cyflogwyr Wrecsam

Mae Sgiliau Cyflogwyr Wrecsam yn ceisio cefnogi cyflogwyr gyda hyfforddiant â chymhorthdal. Bydd hwn yn cael ei gynnig i bob sector ond yn targedu meysydd twf rhanbarthol yn benodol gan gynnwys Gweithgynhyrchu Uwch, Carbon Isel, Digidol, Amaethyddiaeth, Bwyd a Thwristiaeth, Iechyd a Gofal Cymdeithasol a Rheolaeth a gweithwyr proffesiynol eraill.

Rhagor o wybodaeth

Sgiliau Cyflogwyr Sir y Fflint

Mae Sgiliau Cyflogwyr Sir y Fflint yn ceisio cefnogi cyflogwyr gyda hyfforddiant â chymhorthdal. Bydd hwn yn cael ei gynnig i bob sector ond yn targedu meysydd twf rhanbarthol yn benodol gan gynnwys Gweithgynhyrchu Uwch, Carbon Isel, Digidol, Amaethyddiaeth, Bwyd a Thwristiaeth, Iechyd a Gofal Cymdeithasol a Rheolaeth a gweithwyr proffesiynol eraill.

Rhagor o wybodaeth

Cronfa Sgiliau a Hyfforddiant

Parhewch i ddatblygu eich busnes gyda chymorth Cronfa Sgiliau a Hyfforddiant CITB. Rydym yn cefnogi busnesau canolig eu maint gyda hyd at £25,000, a busnesau bach a micro gyda hyd at £10,000 i uwchsgilio eich staff i wynebu’r dyfodol. Gellir defnyddio’r arian ar gyfer hyfforddiant mewn arweinyddiaeth a rheolaeth neu feysydd adeiladu a fydd yn diwallu anghenion eich tîm. Yn y pen draw, bydd mabwysiadu sgiliau newydd yn eich galluogi i wella effeithlonrwydd ac ehangu eich refeniw ymhellach, drwy dîm cymhellol sy’n barod i wynebu heriau’r dyfodol

Rhagor o wybodaeth

Cynllun Talebau Sgiliau ac Arloesedd

Mae cynllun Taleb Sgiliau ac Arloesi (SIV) yn cynnig cyfle i fusnesau sy’n gweithredu yng Ngwynedd, Ynys Môn a Sir y Fflint i gydweithio â Phrifysgol Bangor drwy Gynllun Cyllid Ffyniant Gyffredin. Mae dau fath o daleb ar gael: Midi hyd at £5,000 a Talent hyd at £5,000. Gellir defnyddio’r talebau ar gyfer y mathau canlynol o brosiectau a chydweithrediadau: Mynediad at Wybodaeth / Gwybodaeth Newydd, Prosiectau Ymchwil a Datblygu / Arloesi, Ymgynghoriaeth / Gwasanaethau Dadansoddol, DPP, Sgiliau a Hyfforddiant, Defnyddio offer arbenigol / cyfleusterau’r Brifysgol, a Chynlluniau Interniaeth i Raddedigion.

Rhagor o wybodaeth

ReAct+

Mae ReAct+ yn cynnig pecyn cymorth i helpu rhywun sy’n 20 oed neu’n hŷn, sydd wedi cael ei effeithio gan ddiswyddiad yn ystod y 6 mis diwethaf ac sydd ag anabledd, i fynd yn ôl i’r gwaith yn gyflym. Pan fyddwch yn cyflogi recriwt cymwys, byddwn yn rhoi hyd at £4,000 i chi, a delir drwy bedwar rhandaliad yn ystod y 12 mis cyntaf i helpu i dalu eu cyflog.

Rhagor o wybodaeth

Cyfrifon Dysgu Personol

Ydych chi dros 19 oed ac yn byw yng Nghymru ac yn ennill llai na *£34,303 y flwyddyn ac yn edrych i ddatblygu gyrfa mewn sector blaenoriaeth? Mae Cyfrifon Dysgu Personol yn darparu dysgu hyblyg wedi’i ariannu’n llawn, naill ai ar-lein neu wyneb yn wyneb neu gyfuniad o’r ddau. *Bellach nid oes cap ennill o £34,303 ar gyrsiau cymeradwy neu gymwysterau mewn sgiliau digidol neu sgiliau gwyrdd.

Rhagor o wybodaeth

Rhaglen Sgiliau Hyblyg

Mae Rhaglen Sgiliau Hyblyg Busnes Cymru yn cynnig cymorth ariannol i fusnesau yng Nghymru i helpu i fynd i’r afael â bylchau sgiliau a gwella sgiliau eu gweithlu gan ganolbwyntio ar Arweinyddiaeth a Rheolaeth, Sgiliau Digidol Uwch, Sgiliau Allforio, Peirianneg a Gweithgynhyrchu, Sector Creadigol, Heriau Net Sero, a Twristiaeth a Lletygarwch Bydd pob cwrs hyfforddi cymeradwy yn denu cyfraniad o 50% tuag at y costau cymwys gan Lywodraeth Cymru ac mae’n ofynnol i fusnesau fod wedi’u lleoli yng Nghymru, yn hyfyw, ac yn ymrwymedig i gwblhau hyfforddiant erbyn Mawrth 2026

Rhagor o wybodaeth