Enillwyr Gwobrau Gorau yn y Rhanbarth Gogledd Cymru

Mae’r digwyddiad yn anrhydeddu dysgwyr rhagorol o bob cwr o Gymru sydd wedi dangos ymroddiad, dawn ac arbenigedd technegol yn eu meysydd dewisol. Yng Ngogledd Cymru, mae tri dysgwr wedi’u cydnabod am eu perfformiad eithriadol mewn cystadlaethau rhanbarthol:

🏆 Gorau yn y Rhanbarth – Prif Gystadleuaeth 🏆
Therapydd Harddwch (Corff) | Evie McManus | Coleg Cambria

🏆 Gorau yn y Rhanbarth – Sgiliau Cynhwysol 🏆
Garddwriaeth | Robart Jones | Grŵp Llandrillo Menai

🏆 Gorau yn y Rhanbarth – Prentis y Rhanbarth 🏆
Peirianneg Awyrolaeth | Aiden Hendry | Coleg Cambria

Mae’r gwobrau hyn yn adlewyrchu’r safon uchel o ddatblygu sgiliau sy’n digwydd ledled Gogledd Cymru, gyda dysgwyr, darparwyr hyfforddiant a chyflogwyr i gyd yn cyfrannu at ecosystem sgiliau rhanbarthol ffyniannus.

Mynychodd Sian Lloyd Roberts, Rheolwr Sgiliau Rhanbarthol ar gyfer Gogledd Cymru, y seremoni a dywedodd:

“Roedd yn ysbrydoledig gweld cyflawniadau dysgwyr o bob rhan o Ogledd Cymru yn cael eu cydnabod ar lwyfan mor fri. Mae eu hymrwymiad, eu brwdfrydedd a’u gwydnwch yn disgleirio, a dylent fod yn hynod falch o’r hyn maent wedi’i gyflawni. Rydym hefyd yn cydnabod rôl hollbwysig cyflogwyr, tiwtoriaid, aseswyr a darparwyr hyfforddiant sy’n cefnogi ac yn tywys y dysgwyr hyn bob cam o’r ffordd. Mae eu hymroddiad yn helpu i lunio gweithlu medrus, uchelgeisiol a pharod ar gyfer y dyfodol i’n rhanbarth.”

Dathlu Creadigrwydd a Dylunio Cynaliadwy

Fel rhan o ddathliadau eleni, bu myfyrwyr o Geredigion yn cyfrannu at greu tlws ‘Gorau yn y Rhanbarth’, gan ei ddylunio a’i weithgynhyrchu gan ddefnyddio deunyddiau wedi’u hailgylchu a chymysgedd o dechnegau modern a thraddodiadol. Mae eu gwaith yn dangos y creadigrwydd, yr arloesedd a’r dysgu ymarferol y mae Cystadleuaeth Sgiliau Cymru yn ei hyrwyddo.

Gwyliwch y myfyrwyr wrth iddynt greu’r Tlysau Gorau yn y Rhanbarth

Cydnabod Gweithlu’r Dyfodol yng Nghymru

Mae Ysbrydoli Rhagoriaeth Sgiliau yng Nghymru yn parhau i godi dyheadau, hyrwyddo rhagoriaeth a chreu cyfleoedd i ddysgwyr symud ymlaen i gystadlaethau ledled y DU ac yn rhyngwladol. Mae’r cyflawniadau a ddathlwyd heno yn cyfrannu at gryfhau sefyllfa Gogledd Cymru yn ei sectorau blaenoriaeth ac yn cefnogi uchelgeisiau sgiliau hirdymor y rhanbarth.

Mae Partneriaeth Sgiliau Rhanbarthol Gogledd Cymru yn estyn llongyfarchiadau cynnes i’r holl ddysgwyr a gafodd eu cydnabod eleni, ac i bawb sydd wedi cefnogi eu taith.